हिन्दी के लिए👉 यहां क्लिक करें
ya hussain ya hussain ya hussain ya mazloom
ai teen din ke pyaar kya tera mojiza hai
toone lahu diya to islam jee utha hai
raahe khuda me toone sab kuch luta diya hai
mahsoos karne wala har dil tadap raha hai
asgar ne khoon ugla gardan pe teer khakar
barchi lagi jo dil par tadpe zami pe Akbar
bazu kata ke soya dariya pe shere Haidar
terah baras ka qasim pamal ho gaya hai
ojhal har aik sahara aankhon se ho gaya hai
Abbas bhi sidhare Akbar bhi kho gaya hai
had hai ki bezuba bhi turbat me so gaya hai
ghar tera lut gaya hai aabad Karbala hai
gurbat me dushmano ne yun dushmani nikali
murjha gayi hai tere gulshan ki daali daali
dono jahan me pahunchi tere lahu ki dali
sookhe gale se tere itna lahu baha hai
dono chale the ghar se islam ko bachane
bhai bahan pe guzri kya kya hai kon jaane
dono ko mil ke loota is arze Karbala ne
bhai bhi bekafan hai khwahar bhi berida hai
jannat ki shahzadi hai madare girami
shere khuda pidar hain Haidar hain naam naami
bhai hasan hain jinki shahon ne ki gulami
kitne laqab ka malikb mazloome Karbala hai
hara hai jang tujhse batil ka har sipahi
toone mitayi hur ki taqdeer ki siyahi
di masjidon ne badhkar is baat ki gawahi
mazloomiyat se teri islam ki baqa hai
lohe ki bediyon ka bimar bojh utaye
tere hi raaste par apne qadam jamaye
Allah ki raza me khamosh sar jhukaye
foolon pe chalne waala khnto pe chal raha hai
aik do pahar me tujh par kya kya sitam huye hain
sharminda tere aage duniya ke gam huye hain
ab tak tere masayab tahreer kam huye hain
jo dil pe tere guzri wo kon likh saka hai
masroofe gam hai kab se ye qayenaat saari
kaise suroor kam ho is dil ki beqarari
har zakhm se abhi tak uske lahu hai jaari
sadiyan guzar gayi hain marham nahi mila hai