हिन्दी के लिए 👉यहां क्लिक करें
jab khaime me rukhsat ko shahe bahrobar aaye
chillayi sakina mere bekas pidar aaye
shah kahte the bibi hame rokar na rulao
fir pyar kare ham tumhe muh aage to lao
wo kahti thi hamrah mujhe le ke to jao
mai kya karu maidan me gar ja ke na aao
neend aayegi jab aap ki boo paungi baba chali aaungi baba
farmaya nikalti nahi saidaniya bahar
sine pe sulayengi tumhe raat me mathar
kyun kahti ho maktal me chali aungi baba
mai raat ko maktal chali aaungi baba
neend aayegi jab aap ki boo paungi baba chali aaungi baba
nanhe se kaleje pe mere chalti hai talwar
khulta nahi kyun aap ne bandhe hain ye hathiyar
mai aapko khokar na kabhi paungi baba
mai raat ko maktal me chali aaungi baba
neend aayegi jab aap ki boo paungi baba chali aaungi baba
aati hai bala sar pe to pahle mujhe waro
mar jaungi baba na sidharo na sidharo
jaoge jahan mai bhi chali aaungi baba
mai raat ko maktal me chali aaungi baba
neend aayegi jab aap ki boo paungi baba chali aaungi baba
shab hoyegi to fir khak pe soyenge kahan aap
sine pe to asgar ko sulayenge wahan aap
achcha mai wahi khak pe wo jaungi baba
mai raat ko maktal me chali aaungi baba
neend aayegi jab aap ki boo paungi baba chali aaungi baba
aane do agar pyas se gash aata hai baba
tum jeete raho pani bhi mil jayega baba
mai aapko dekhungi to ji jaungi baba
mai raat ko maktal me chali aaungi baba
neend aayegi jab aap ki boo paungi baba chali aaungi baba
kuch door na the ham to tumhe neend na aayi
kya hoyega jab hogi mahino ki judayi
bibi na kaho mai nahi so paungi baba
mai raat ko maktal me chali aaungi baba
neend aayegi jab aap ki boo paungi baba chali aaungi baba
wo haal Anees ab nahi ho sakta hai marqoom
jis tarah chuti baap se wo dukhtare mazloom
nauha tha yahi jiska na ji paungi baba
mai raat ko maktal me chali aaungi baba
neend aayegi jab aap ki boo paungi baba chali aaungi baba