sakhi abbas hamara hai alamdar hamara

🤲 ANJUMAN-E-ZULFEQARE HAIDERI-MAHOLI

हिन्दी में पढ़ने के लिए 👉यहां क्लिक करें

🕊️ abbase ali aaye qareebe shahe abrar🕊️

bhai ko alam de ke kiya shah ne bahut pyar

Hans Hans ke raqibon se ye karne lage guftar

 jaisi ye meri fauj hai waisa hi alamdar

gazi sa koi deen ka sardar na hoga

abbas sa duniya me alamdar na hoga

---

sakhi abbas hamara hai alamdar hamara

hashim ka qamar haidare karrar ka pyara

sakhi abbas hamara hai alamdar hamara 2

Haidar ke gharane ki sakhawat sakhi abbas

khoone abu talib ki sadaqat sakhi abbas

zahara ki duao ki taharat sakhi abbas 

qudrat ne banaya nahi fir aisa dobara

sakhi abbas hamara hai alamdar hamara 2

quraane wafa shere nayastane ali hai

zahara ki tamanna hai dilo jane ali

iske liye bachpan se hi farmane ali hai

mai ilm ka dariya hun ye dariya ka kinara

sakhi abbas hamara hai alamdar hamara 2

paida huye abbas to godi me uthakar, 

zainab ne rakha naam kaleje se lagakar

chota sa alam shah ne diya inko saja kar

dekha jo alam ne to alam khud ye pukara

sakhi abbas hamara hai alamdar hamara 2

ye panjatane pak ke lashkar ka nishan hai

kahte hain ye shabbir mera shere jawan hai

aisa koi duniya me alamdar kahan hai

shawan se hai shahbaz kalandar ka ye naara

sakhi abbas hamara hai alamdar hamara 2

abbase ali roohe wafa jaane wafa hai

abbase fatema zahara ki dua hai

har waqt alam chomti rahati ye hawa hai

bhoola nahi abbas ko dariya ka kinara

sakhi abbas hamara hai alamdar hamara 2

duniyae shahadat me kaha uska hai saani

jo saare shahidon ki safon me raha gazi

be dast bhi hokar jo bhare jholiya sabki

haashim ka qamar sare faqeeron ka sahara

sakhi abbas hamara hai alamdar hamara 2

lazim hai ke ham dekhege ik roz wo nanzar

farmayenge jab menhdiye dauran sare mimbar

kabe se namoodar jo hoga mera lashkar

hoga yahi lashkar ka alamdar hamara

sakhi abbas hamara hai alamdar hamara 2

---

yaad aata hai wo ruksate Abbas ka manzar

wo rona sakina ka farahre ko pakadkar

wo dekhna zainab ka kabhi ghar kabhi chadar

kahti thi palat aaye bahan bhai ka pyara

sakhi abbas hamara hai alamdar hamara 2